Bonanza la utangazaji AJTC

Mkufunzi na mkuu wa kitengo cha utangazaji katika chuo cha uandishi wa habariutangazaji Arusha Bw Onesmo Mbise

Mkufunzi wa chuo cha uandishi wa habari na utangazaji Arusha na ambaye pia ni mkuu wa kitengo cha Radio ya chuo hicho kinachojulikana kwa jina la AJTC Radio Bw. Onesmo Mbise amewataka wanafunzi wajiandae kwa mazoezi ya vitendo kabla ya kuingia katika bonanza la utangazaji chuoni hapo

Hayo yamejiri wakati akizungumza na wanafunzi  katika ukumbi wa chuo hicho na kuwapa maagizo hayo ambapo bonanza hilo linatarajia kuanza mnamo tar 03/5/2016 katika studio hizo zilizopo katika eneo la chuo hicho

Bw Mbise amesema madarasa yote yanayopatikana katika chuo hicho ni lazima yashiriki katika mashindano hayo na kusema zawadi za kipindi hiki zimeboreshwa  siyo kama za mwaka jana ambapo mshindi wa kwanza alikuwa akipewa Kombe lenye thamani ya 100,000 pamoja shilingi 70,000 na mshindi wa pili akiambulia pesa tasilimu sh 50,000 huku mshindi wa tatu akipewa kreti la soda

“Mwaka huu tumejipanga vizuri na lengo la mashindano haya ni kuinua vipaji vya wanafunzi wetu ili wanapo maliza chuo wakawe wazuri katika kuwasilisha vipindi vyao”Aisema Mkufunzi huyo.  

Kila mwaka kumekuwa na mashindano hayo ya utangazaji  kama tulivyoona mwaka jana mshindi wa kwanza lilikuwa ni darasa la Ruaha(Diploma) waliondoa na kombe huku mshindi wa pili likiwa ni darasa la Mr Meru(Diploma) na mshindi wa tatu likiwa ni darasa la Katavi(Certificate)