Wakulima wahimizwa kuzalisha pamba safi

WAKULIMA na wanunuzi wa zao la pamba, katika mikoa ya kanda ya Mangaribi, wamehimizwa kuzingatia ubora wa zao na usafi wa zao hilo, ili liweze kupata soko la uhakika.
Rai hiyo ilitolewa juzi katika Wilaya ya Bunda, mkoani Mara, na mkaguzi wa viwanda vya pamba mwandamizi, Kisinza Ndimu, kwenye semina ya ubora na usafi wa pamba, kwa wanunuzi wa pamba mbegu ngazi ya vituo, iliyofanyika katika ukumbi wa kiwanda cha kampuni ya Oram LTD mijini Bunda.
Ndimu alisema wakulima na wanunuzi wa zao hilo wamekuwa wakiharibu kwa makusudi ubora na usafi wa zao la pamba, hali ambayo imekuwa ikisababisha thamani yake kushuka kila mwaka.
Alisema wanunuzi wamekuwa wakifanya uharibifu huo kwa asilimia zaidi ya 80 wakati inapofika katika vituo vyao vya kununulia pamba na akayataka makundi yote mawili, pamoja na wadau mbalimbali kuzingatia ubora na usafi wa zao hilo.
“Watu wamekuwa wakiharibu kwa makusudi kabisa ubora na usafi wa zao la pamba, wanaweka maji, mchanga na vitu vingine ambavyo havifai kabisa ili kushusha ubora, ” alisema Ndimu.
Ofisa mwandamizi wa zao la pamba nchini, Emily Mbagulle, alisema ni jukumu la kila mdau wa zao la pamba, kuzingatia ubora wa zao hilo, kuanzia wakati wa kuandaa shamba, kulima, kuvuna, kuhifadhi, pamoja na wakati wa kuuza ili kuimarisha uboa wake.
“Hili ni jukumu letu sote kuhakikisha tunalinda na kuimaraisha ubora wa zao la pamba maana wote tunalitegemea zao hili,” alisema.
Akichangia hoja katika semina hiyo Meneja wa kiwanda cha Oram Tanzania LTD, Dick Chiriwo, kilichoko wilayani Bunda, aliwahasa wanunuzi wa zao hilo, kujenga mshikamano wa pamoja kwa kuacha kununua pamba ambayo haina ubora, kwa lengo la kupata pamba nyingi maana hiyo itakuwa ni hasara kwao.
“Wote wanunuzi mkishakamana na kukataa kabisa kununua pamba chafu mtakomesha hali hii….sasa unakuta mwingine anakataa kununua pamba chafu lakini mwingine wa sehemu hiyo hiyo anaikimbilia eti aweze kupata pamba nyingi, hiyo ni hasara kwenu acheni kabisa na wote mshikamane,” alisema Chiriwo.
Baadhi ya wanunuzi wa zao hilo wakiwemo wakulima na wanunuzi walisema kuwa kuna changamoto nyingi zinazowakabili wakulima, ikiwa ni pamoja na ya kutokupata pembejeo kwa wakati, pamoja na kupewa dawa za kuua wadudu ambazo hazina uwezo, pamoja na mbegu ambazo hazioti.

Stars yawaandalia kipigo Mafarao Dar

Mshambuliaji wa timu ya soka ya Taifa Tanzania, ‘Taifa Stars’, Elias Maguli (kulia) akichuana na David Odhiambo wa Kenya ‘Harambee Stars’ wakati wa mchezo wa kirafiki wa Kimataifa baina ya timu hizo uliofanyika Uwanja wa Moi Kasarani, Nairobi, Kenya juzi. Timu hizo zilifungana 1-1. (Na Mpigapicha Wetu).

0 Comments

TIMU ya soka ya Taifa ya Tanzania (Taifa Stars) imerejea nchini kutoka Nairobi, Kenya, ambako mwishoni mwa wiki ilicheza na wenyeji wao, timu ya taifa ya nchi hiyo `Harambee Stars’ na kutoka nao sare ya 1-1 katika mchezo mkali wa kirafiki kwenye Uwanja wa Moi Kasarani, Nairobi.
Lakini baada ya kurejea jana asubuhi, timu hiyo imekwenda moja kwa moja kambini kujiandaa na mchezo dhidi ya Misri Jumamosi wiki hii kwenye Uwanja wa Taifa, Dar es Salaam, huku kocha mkuu, Charles Boniface Mkwasa akiapa `Misri hawatatoka’.
“Najua Misri wanatufuatilia. Na hata Kenya kwa siku zote tatu walikuwepo. Najua Misri wanahitaji hata sare ili wafuzu kwa fainali hizi, lakini hawataipata Tanzania,” alisema Mkwasa kwa msisitizo. Stars na Misri zinakutana katika mchezo wa marudiano wa kusaka tiketi ya kucheza fainali za Mataifa ya Afrika (Afcon) mwaka kesho huko Gabon.
Katika mchezo wa kwanza mwishoni mwa mwaka jana, Misri wakiwa nyumbani walishinda 3-0. Mkwasa alisema jana kuwa, kwa jinsi msimamo ulivyo kwa sasa, Misri wanaifuatilia Stars na walikuwepo Nairobi kushuhudia mchezo wao ili wapate mbinu za kushinda kirahisi, lakini akaapa hilo walisahau.
Alisema pamoja na kuifanyia ushushushu Stars, Misri haitakuwa na jeuri ya kuifunga Tanzania jijini Dar es Salaam, akisema ana uhakika vijana wake watajitahidi ili kupata matokeo mazuri baada ya Jumapili kufanya vema dhidi ya Harambee Stars.
Wakati Misri wana pointi saba, Taifa Stars ina pointi moja katika kundi lao la G, hivyo sare yoyote kwa Misri itawahakikishia kufuzu kwa fainali, lakini ikifungwa itaweka hai matumaini ya Tanzania kucheza fainali za Afrika kwa mara ya kwanza tangu mwaka 1980.
Hata hivyo, itawezekana endapo itashinda ugenini dhidi ya Nigeria katika mchezo mwingine wa kundi hilo.
“Kama nilivyosema, Misri wanahitaji pointi moja. Lakini sisi tunahitaji pointi tatu. Mchezo wa Kenya unatosha kuona mapungufu. Maana ilikuwa mechi ngumu iliyojaa nyota wote wa Kenya ambao ni professionals, lakini mimi nilikuwa na local based players na matokeo yamekuwa hayo.”
Mkwasa alisema ana taarifa namna ambavyo Misri wanaifuatilia Taifa Stars hususani ukusanyaji wa video kwa ajili ya kuona aina ya soka la Tanzania, ambapo alisisitiza kuwa kamwe hawatafanikiwa. Kwa mara ya mwisho Tanzania ilifuzu kwa fainali hizo za Afrika mwaka 1980 wakati Mkwasa akiwa miongoni mwa wachezaji wa kikosi hicho.
Mkwasa alipongeza Shirikisho la Soka Kenya (FKF), kwa kuandaa mchezo huo angalau kwa asilimia 70 kwa kushirikiana na Tanzania iliyojazia gharama sambamba na vijana wake kwa kucheza kwa kujituma licha ya kuwakosa nyota wake wa kulipwa.
Taifa Stars ilicheza mchezo huo bila ya nyota wake wa kimataifa, Mbwana Samata anayeichezea timu ya Genk ya Ubelgiji na Thomas Ulimwengu wa TP Mazembe ya DRC.
Naye Mwinyi Kazimoto aliyekuwa nahodha wa Stars dhidi ya Kenya, alisema mchezo dhidi ya Kenya umewapa picha halisi ya utayari wao kuwavaa Misri na kwamba, wako tayari kwa hilo.
Katika mchezo huo, nahodha wa Kenya, Victor Wanyama anayeichezea klabu ya Southampton ya Ligi Kuu ya England, alielezea kushangazwa na ubora wa kikosi cha Stars kilichoonesha soka maridadi licha ya kutokuwa na nyota wake wanaocheza soka ya kulipwa nje ya Tanzania.

Majambazi wauawa wakikimbizwa na polisi

Kamishna wa Polisi Kanda Maalumu Dar es Salaam, Simon Sirro

WATU wawili wanaosadikiwa kuwa ni majambazi, wameuawa na mwingine mmoja anashikiliwa na Jeshi la Polisi kwa kujihusisha na ujambazi jijini Dar es Salaam.

Hayo yalisemwa jana jijini Dar es Salaam Kamishna wa Polisi Kanda Maalumu Dar es Salaam, Simon Sirro wakati akizungumza na waandishi wa habari.

Alisema tukio hilo lilitokea Mei 28 mwaka huu baada ya polisi kupata taarifa kuwa maeneo ya Mburahati kuna majambazi watatu, ambao walikuwa wanafukuzwa na kundi la bodaboda huku wakifyatua risasi.

Sirro alisema katika ufuatiliaji askari walifika katika eneo hilo na kukuta jambazi mmoja akishambuliwa na wananchi baada ya silaha aliyokuwa akiitumia kuishiwa risasi.

Jambazi huyo alikutwa na silaha moja, bastola LLA yenye namba 649440. Alisema majambazi wengine wawili, walikimbia wakiwa na bodaboda yenye namba za usajili MC 444 BFY.

Polisi waliwakimbiza wakishirikiana na madereva bodaboda hadi kufika katika eneo la Kisukuru, ambako majambazi hao walianguka na kuangusha bastola yao aina ya Chinese Star, ndipo wananchi walianza kuwashambulia kwa mawe na fimbo.

Aliongeza kuwa majambazi hao, walishambuliwa baada ya muda mfupi walifariki dunia huku mwingine alifanikiwa kukimbia na begi dogo jeusi lililokuwa na fedha.

Sirro alisema awali majambazi hao, walikuwa watatu wakiwa kwenye pikipiki maeneo ya Buguruni, ambapo walifanya tukio la uporaji wa Sh 500,000 mali ya Mushi Bakari, aliyekuwa na gari namba T 786 CZI Toyota IST ambaye walimjeruhi mkono wa kulia.

Katika tukio jingine, jeshi hilo limefanikiwa kumkamata mtu mmoja anayetuhumiwa kuwa jambazi huko Temeke akiwa na bastola Glock P241 yenye namba NK 172374 ikiwa na risasi 14 ndani ya magazini.
Alisema jambazi huyo alikamatwa baada ya kufanya tukio la uporaji maeneo ya Chang’ombe Maduka Mawili ya Tigo Pesa akiwa na mwenzake, ambapo walikimbia kwa kutumia pikipiki.

Rais Magufuli amteua Mama Makinda kuwa Mwenyekiti Bodi ya NHIF, Jaji Lila kuwa jaji Mahakama ya Rufani

Rais wa Jamhuri ya Muungano wa Tanzania Dkt. John Pombe Magufuli amemteua Mhe. Jaji Shabani Ally Lila kuwa Jaji wa Mahakama ya Rufani.

Kabla ya uteuzi huo Mhe. Jaji Shabani Lila alikuwa Jaji Kiongozi. Uteuzi huu umeanza leo tarehe 30 Mei, 2016.

Wakati huo huo, Rais Dkt. Magufuli amemteua Mhe. Anne Semamba Makinda kuwa Mwenyekiti wa Bodi ya Mfuko wa Taifa wa Bima ya Afya (NHIF). Uteuzi wa Mhe. Anne Semamba Makinda ambaye ni Spika Mstaafu wa Bunge Ia Jamhuri ya Muungano wa Tanzania umeanza tarehe 25 Mei, 2016.

Mhe. Anne Semamba Makinda anachukua nafasi iliyoachwa wazi na Balozi Ali Mchumo. Katika hatua nyingine, Rais Magufuli amemteua Prof. Apollinaria Elikana Pereka kuwa Mwenyekiti wa Bodi ya Taasisi ya Teknolojia Dar es salaam (Dar es salaam Institute of Technology -DIT).

Prof. Apollinaria Elikana Pereka ni Mhadhiri wa Chuo Kikuu cha Kilimo cha Sokoine (SUA) Morogoro. Prof. Pereka anachukua nafasi iliyoachwa wazi na Prof. Fredrick Mwanuzi ambaye amemaliza muda wake. Uteuzi huu umeanza leo tarehe 30 Mei, 2016.

Majaliwa asafiri kwa mabasi ya haraka

WAZIRI Mkuu, Kassim Majaliwa amekagua utendaji kazi kwenye mabasi yaendayo haraka yanayotoa huduma katika Jiji la Dar es Salaam na kubaini changamoto kadhaa, ambazo amesema zitarekebishwa kadri mradi unavyoendelea.

Waziri Mkuu ambaye alilipa nauli na kupanda basi namba 23 lenye usajili namba T125 DGW kuanzia kituo cha Ferry, Kivukoni, ametumia muda wa dakika 50 kufika Kimara Mwisho kwa usafiri huo. Alipanda basi hilo saa 3:30 asubuhi jana na lilianza safari saa 3:33 baada ya kusubiri wengine wapande. Kwa wastani lilitumia kati ya dakika mbili hadi tatu kutoka kituo kimoja hadi kingine.

Basi hilo liliwasili Kimara Mwisho saa 4:23 asubuhi. Akizungumza na waandishi wa habari akiwa Kimara Mwisho baada ya kumaliza ziara hiyo fupi ya ukaguzi jana, Waziri Mkuu alisema aliamua kufanya ziara hiyo ya ghafla ili kuangalia matumizi ya njia za mabasi yakoje na kuona abiria wanaelewa vizuri namna ya kuitumia huduma hiyo.

Alisema ameridhishwa na mradi unavyofanya kazi, ila ameelezwa kuna usumbufu kwenye mageti wakati abiria wanapotaka kuthibitisha tiketi zao hasa wakati wa asubuhi kunapokuwa na msongamano wa abiria. Pia alielezwa kwamba kuna baadhi ya abiria wanakuja na tiketi za jana yake, jambo linaloleta usumbufu kwa sababu hazitambuliki kwenye mfumo wao.

“Nimeridhishwa na uharaka wa njia kwa sababu na mimi mwenyewe nimetumia dakika 50 kufika hapa ingawa kuna maeneo nimeona kuna haja ya kuwa na taa maalumu za kuzuia magari (special sensors) wakati mabasi yakipita ili kuepusha ajali,” alisema.

Aliyataja maeneo hayo kuwa ni kwenye makutano ya barabara za Morogoro na Mtaa wa Samora, Morogoro na Jamhuri na makutano ya Morogoro na Kisutu. Waziri Mkuu aliwataka Watanzania waende na tiketi rasmi badala ya kutumia tiketi za jana kwa sababu kufanya hivyo ni makosa na mtu anakuwa amedhamiria. “Hawa watachukuliwa hatua za kinidhamu.

Mtu akija na tiketi ya jana akamatwe na kupelekwa Polisi, huyu atakuwa amedhamiria,” alisema Waziri Mkuu wakati akizungumza na mhudumu mmoja katika kituo cha Kimara Mwisho.

 “Ninawasihi wananchi wanaotumia usafiri huu wajifunze kufuata utaratibu na kuwasisitizia kuwa kila abiria aje na tiketi ambayo ni rasmi,” alisema na kuongeza: “Haya mabasi nimebaini yako vizuri.
Ninatoa msukumo kwa watumishi wa umma wapande mabasi haya ili kupunguza msongamano wa magari barabarani.” Katika kupunguza baadhi ya changamoto, Waziri Mkuu alisema Serikali itasimamia uboreshaji wa ukataji tiketi ili kuondoa usumbufu kwa abiria.

Pia alivionya vyombo vya moto viache kutumia njia maalumu ya mabasi hayo. Pia aliwataka Polisi wanaofanya doria za usiku kupita kwenye barabara za juu za abiria na kuwaondoa watu wanaolala kwenye maeneo kwani wanahatarisha usalama wa watu wanaotumia njia hizo. “Zile siyo sehemu za kulala, wanaofanya hivyo wanahatarisha usalama wa watumiaji wa njia hizo, kwa hiyo polisi wakiwakuta watu wa aina hiyo wawakamate mara moja,” alisema.

Kwa upande wake, Kamanda wa Kikosi cha Usalama Barabarani nchini, Mohammed Mpinga ambaye alifuatana na Waziri Mkuu katika ziara hiyo, alisema amepiga marufuku magari na pikipiki kutumia njia hiyo hata kama ni magari ya Serikali.

“Tulishapiga marufuku magari na pikipiki kutumia njia hiyo hata kama ni magari ya Serikali, ninawasihi madereva watambue hili na watii,” alisema. Machi 22, mwaka huu, Waziri Mkuu alitembelea soko la Feri kwa lengo la kuangalia mfumo wa majiko ya gesi sokoni hapo (kuzuia moshi) na kukagua ujenzi wa ukuta unaotenganisha soko hilo na mabasi yaendayo haraka.

Aprili 15, mwaka huu, Waziri Mkuu alifanya kikao na kuwaagiza wakuu wa taasisi zinazohusika na utekelezaji wa mradi huo kuhakikisha wanatoa elimu kwa umma ili kupunguza madhara yanayoweza kujitokeza pindi majaribio yakianza.

MKUU WA MKOA AFUNANIWA AKIFANYA MAPENZI NA MWANAYE, TAZAMA VIDEO HAPA.

Mkuu wa zamani wa Mkoa wa Kaskazini Pemba na mshauri wa Rais wa Zanzibar kisiwani humo, Dadi Faki Dadi amekamatwa akituhumiwa kufanya mapenzi na mtoto wake wa kambo.

Dadi alikamatwa juzi akidaiwa kukutwa na mtoto huyo wa mkewe wa ndoa mwenye umri wa miaka 21 katika nyumba ya kulala wageni inayoitwa Executive, jirani na makao makuu ya Uhamiaji Zanzibar katika eneo la Kilimani chini na Maisara, mjini Unguja.

Mwanasiasa huyo alijikuta akipigwa pingu na polisi akiwa kifua wazi mbele ya mkewe na wanafamilia na kisha kupelekwa katika Kituo Kikuu cha Polisi Mwembemadema.

Picha za video zilizosambazwa kwenye mitandao ya kijamii, zilimwonyesha Dadi akikabiliwa na mashambulizi makali ya maneno kutoka kwa watu waliomkamata, akiwamo mkewe.

“Mwacheni avae nguo kwanza, mpeleke bwana, twende bwana..." ni baadhi ya maneno yanayosikika katika video iliyorekodiwa wakati wa kumtia mbaroni.

Taarifa zilizopatikana miongoni mwa wanafamilia ya kiongozi huyo, zilidai kwamba alikamatwa baada ya kumtilia shaka binti huyo kutokana na mienendo yake ya hivi karibuni na kuamua kumfuatilia.

Kamanda wa Polisi Mkoa wa Mjini Magharibi, Mkadam Khamis Mkadam alithibitisha kumshikilia Dadi kwa muda kabla ya kumwachia kwa dhamana.

“Kijamii alitenda kosa, lakini sisi tunaendelea kufanya uchunguzi, iwapo tutabaini ametenda kosa la kisheria na anaweza kuwa mashtaka tutamkamata ili kumpeleka katika vyombo vya sheria,” alisema Mkadam.

Mmoja wa wanafamilia ambaye aliomba jina lake lisitajwe alisema: “Mwizi siku zake ni arobaini, tulimtega na hatimaye tumemnasa sasa tuone mwisho wake utakuwa nini na kipi kitajiri baadaye.”

Hatimaye washindi wa bonanza la utangazaji katika chuo cha A.J.T.Cwamepatikana

Darasa la Mbuga ya Ngorongoro katika chuo cha Uandishi wa Habari na Utangazaji Arusha(Ajtc) wakishangilia mara baada
ya kuibuka washindi katika michano ya utangazaji iliyofanyika chuoni hapo.

Michuano ya utangazaji katika chuo cha uandishi wa habari na utangaza Arusha

 (A.J.T.C) imemalizika hii leo ambapo mshindi wa kwanza hadi wa mwisho amejulikana.

Darasa lililoibuka kidedea katika mashindano hayo yaliyochukua takribani siku tano linatambulika kwa jina la Mbuga ya Ngorongorongoro.

Mashindano hayo aliyohusisha madasa 13, darasa la Ngorongoro limejishindia kombe lenye thamani ya Tsh 10,000 pamoja na pesa taslimu Tsh 150,000.

Nafasi ya pili katika michuano hiyo Utangazaji ilichukuliwa na darasa linaloitwa Mlima Kilimanjaro huku wakijinyakulia tsh10,000 na darasa la Serengeti limeshikili nafsi ya tatu na kupewa zawdi fedha taslimu Tsh 75,000.

Mkurugenzi wa chuo hicho cha uandishi wa habari na utangazaji Arusha bw Joseph Mayagila amewapongeza wanafunzi wote walioshiriki na kuwataka waendelee kujituma katika masomo yao ili wafanye vizuri katika tasnia ya uandishi wa habari na utangazaji.

Nani mtani Jembe katika mashindano ya utangazaji ndani ya chuo cha uandishi wa habari na utangazaji Arusha

Mashindano ya Utangazaji katika chuo cha uandishi wa habari na utangazaji Arusha katika mwaka huu wa 2016 yameenza rasmi siku ya leo.Mashindano haya ni ya 9 tangu kuanzishwa kwa chuo hichi cha utangazaji.Takribani madarasa 13 yatashiriki na leo yameanza madarasa 3.Madarasa hayo ni pamoja na darasa la Selous,Mt. Evarest na darasa la Mt. Meru na mashindano haya ni maalumu kwa wanafunzi wanaosoma katika chuo hicho na lengo kuu la mashindano hayo ni kujifunza na  kuwanoa wanafunzi hao ili wanapomaliza chuo wawe na uzoefu wa utangazaji

Mashindano hayo yanatarajia kufikia tamati siku ya Ijumaa ambapo mshindi wa kwanza atajinyakulia Kombe lenye thamani ya sh. 100,000/= na pesa taslimu sh. 150,000/= ,Mshindi wa pili atapata zawadi ya pesa sh. 100,000/= na mshindi wa tatu atapata pesa Sh. 75,000/=


Kesho mashindano yataendelea kwa madarasa yafuatayo;
Darasa la Mt. Udzungwa, kisha darasa la Serengeti na kumaliziwa na darasa la Aicc



















Makamo mkuu wa chua cha uandishi wa habari na utangazaji Arusha Bw. Elifuraha Samboto akifungua rasmi mashindano ya utangazaji katika chuo hicho ambaye pia ni Jaji Mkuu katika mashindano hayo

Bw. Elifuraha Samboto akitoa maneno mafupi kabla ya ufunguzi wa mashindano ya utangazaji



















Mkuu wa kitengo cha utangazaji katika chuo cha uandishi wa habari na utangazaji Arusha Bw. Onesmo Mbise akitoa maelekezo kwa wanafunzi jinsi ya kutumia vifaa vya utangazaji kabla ya mashindano kuanza

Mwanafunzi wa darasa la Mt. Meru Theobad Jacob akijaribu vifaa vya utangazaji kabla ya mashindano kuanza

Rais Fifa atia ubani ubingwa wa Yanga

•  Kuchapa  
•  Barua pepe

Kikosi cha Yanga.

RAIS wa Shirikisho la Soka la Kimataifa (FIFA), Gianni Infantino, ameipongeza timu ya soka Yanga ya Dar es Salaam, kutwaa ubingwa wa Ligi Kuu ya Vodacom Tanzania Bara 2015/16. Yanga imetwaa ubingwa huo kwa msimu wa pili mfululizo, lakini ikiwa ni mara ya 26 tangu kuanza kwa Ligi Kuu Bara mwaka 1965.

Katika salamu zake, kupitia barua yake ya Mei 18, 2016 kwa Rais wa Shirikisho la Soka Tanzania (TFF), Jamal Malinzi, Infantino ameelezea ubingwa wa Yanga kwamba umetokana na kazi kubwa inayofanywa na uongozi wa timu hiyo, makocha, wachezaji pamoja na mashabiki.

“Yanga ndiyo mabingwa wa Tanzania. Napenda kuchukua nafasi hii kuipongeza Yanga na timu nzima isiyoshindika kwa mafanikio haya makubwa. Taji la Yanga ni matokeo ya mshikamano ulioko ndani ya timu hiyo,” alisema Infantino katika barua hiyo yenye kichwa cha habari kinachosema: Salamu za Pongezi kwa Yanga.

Amesema pongezi zake ziende kwa uongozi wa klabu, makocha na benchi zima la ufundi, wachezaji, madaktari na mashabiki wa Yanga. Tayari Rais wa TFF, Jamal Malinzi alikwisha kuipongeza Yanga ambayo imepewa Kombe na medali kwa wachezaji 24, viongozi saba wa benchi la ufundi na viongozi wanne wa Kamati ya Utendaji na kwa sasa wanasubiri zawadi ya fedha Sh 81,345,723.

‘Hakuna sababu kupima wabunge ulevi’

•  Kuchapa  
•  Barua pepe

Spika wa Bunge, Job Ndugai.

BAADA ya aliyekuwa Waziri wa Mambo ya Ndani ya Nchi, Charles Kitwanga kuingia bungeni akiwa amelewa, Ofisi ya Bunge imesema hakuna kanuni inayotaka wabunge wapimwe ulevi na haioni sababu ya kuwapima kwa sababu ni watu wazima.

Kaimu Katibu wa Bunge, John Joel alisema, Kanuni za Kudumu za Bunge hazina kanuni inayozungumzia suala la ulevi. Akizungumza na gazeti hili, Joel alisema lakini katika mabunge mbalimbali duniani wameweka taratibu za kimaadili zinazowaongoza wabunge.

“Kwa kweli hakuna sababu ya kupima wabunge ulevi kwa sababu hawa ni watu wazima wanaojitambua. Kanuni za Bunge hazina kipengele kinachozungumzia suala la ulevi. “Lakini wabunge wanaandaa kanuni zao za maadili, humo ndio wataweka mambo yao ya nini cha kuzungumzwa na wabunge, kusema wenzao na mengineyo.

Ni Code of Conduct kwa wabunge wenyewe,” alisema Joel. Alisema hilo linafanyika katika mabunge mbalimbali duniani kwa kuwa na taratibu zao za kimaadili zinazowaongoza. Kaimu Katibu wa Bunge alisema hayo, baada ya kuulizwa na gazeti hili kuhusu hoja iliyoibuka baada ya kutenguliwa kwa uteuzi wa Waziri wa Mambo ya Ndani ya Nchi, Kitwanga kwa kuingia na kujibu swali bungeni akiwa amelewa.

Kurugenzi ya Mawasiliano, Ikulu alisema Rais Magufuli alitengua uteuzi huo kutokana na kitendo cha Kitwanga kuingia bungeni na kujibu swali linaloihusu Wizara ya Mambo ya Ndani ya Nchi akiwa amelewa.

Hoja ya kutaka kuwapo kwa kipimo cha ulevi kwa wabunge kabla ya kuingia bungeni, ilitanda katika mijadala nchini juzi baada ya Kitwanga kufukuzwa. Mbunge wa Arusha Mjini, Gobless Lema ambaye pia ni Msemaji wa Kambi Rasmi ya Upinzani Bungeni kuhusu Wizara ya Mambo ya Ndani ya Nchi, ni mmoja wa waliounga mkono hoja hiyo.

Lema alikaririwa akisema katika taarifa ya habari ya kituo cha televisheni cha ITV juzi usiku, akipendekeza sasa kuwapo kwa kipimo cha ulevi kwa wabunge kabla ya kuingia ukumbini, akisema kitasaidia kuondoa wabunge na mawaziri walevi.

Katika taarifa yake saa chache baada ya kutimuliwa Kitwanga, Waziri Mkuu, Kassim Majaliwa alisema uamuzi uliofanywa na Dk Magufuli umefuata kanuni za utumishi wa umma ambao unakataza mtumishi kulewa akiwa kazini.

“Zipo sheria za utumishi ambazo mtumishi hatakiwi kunywa pombe na wala hapaswi kulewa akiwa kazini… mtumishi anapaswa kuwa na akili timamu inayokuwezesha kufanya kazi za serikali,” alisema Majaliwa akijibu swali la mwandishi wa TBC1 aliyetaka kujua ukweli wa taarifa za kutimuliwa Kitwanga.

“Ni kweli Mheshimiwa Rais, Dk John Pombe Magufuli ametengua uteuzi wa Waziri wa Mambo ya Ndani, Mheshimiwa Charles Kitwanga kuanzia leo tarehe 20 Mei, 2016 baada ya kuonekana amelewa wakati wa kazi. Na hili lilibainika pale alipokuwa akijibu maswali ya wizara yake leo asubuhi,” alisema Waziri Mkuu.

Kwa utaratibu wa sasa, wabunge na wageni wote wanaoingia ndani ya viwanja vya Bunge, hukaguliwa kwa mashine maalumu, ambazo huangalia kama mtu amebeba vitu visivyokubalika, kama silaha, visu na vingine vyenye ncha kali.

Tuhuma za ubadhirifu fedha za uchaguzi zatua Takukuru

•  Kuchapa  
•  Barua pepe

Mwenyekiti wa Tume ya Taifa ya Uchaguzi Jaji Mstaafu, Damian Lubuva.

TUHUMA za ubadhirifu wa Sh bilioni 1.4 za Uchaguzi Mkuu wa Oktoba mwaka jana, zilizotolewa na Tume ya Taifa ya Uchaguzi (NEC) kwa Halmashauri ya wilaya Mbinga mkoani Ruvuma, zimefikishwa kwa Taasisi ya Kuzuia na Kupambana na Rushwa (Takukuru).

Mkuu wa Wilaya ya Mbinga, Senyi Ngaga, alisema Takukuru inakamilisha uchunguzi wa kina ili wahusika waliofanya ubadhirifu huo wachukuliwe hatua za kisheria. Alisema hayo juzi alipokuwa akizungumza na waandishi wa habari ofisini kwake.

Alisema upo ukiukwaji mkubwa wa taratibu za manunuzi uliofanywa na wahusika waliopewa dhamana ya kusimamia matumizi yake. Ngaga alisema, ofisi yake baada ya kuunda tume ndogo na kubaini hilo, uchunguzi wa awali unaonesha Sh milioni 513 zimefanyiwa ubadhirifu .

Alisema, aliona ni vyema achukue hatua ya kukabidhi tuhuma hizo kwa Takukuru wafanye uchunguzi wa kina kutambua ni nani aliyehusika na ubadhirifu huo. Alisema, taarifa na majina ya wahusika waliofanya hivyo itatolewa baadaye Takukuru ikikamilisha kazi yake.

“Takukuru inaendelea na uchunguzi, ikikamilisha taarifa itatolewa. Katika maelezo yangu ya awali kwenye Baraza la Madiwani lililokaa juzi sikuhukumu mtu wala kusema amehusika, hivyo tusubiri tutajulishwa,” alisema.

Aliongeza kuwa, uchunguzi huo utakapokamilika, taarifa husika zitapelekwa kwa Mwenyekiti wa Baraza la Ulinzi na Usalama mkoa wa Ruvuma, Said Mwambungu awasilishe kwa Waziri mwenye dhamana. Awali, tuhuma za ubadhirifu huo, zilitolewa na Mkuu wa Wilaya kwenye kikao cha Baraza la Madiwani wa wilaya hiyo, Mei 11, mwaka huu.